Etter Leiarkonferansen 2025 på Quality Hotel Ulstein vert det Mørelounge på Skaparhuset. Det vert mat, bobler og mingling.
Mørelounge er inkludert i billetten til Leiarkonferansen

Per Joar Hansen held foredrag - Ein strategisk leiar med lidenskap for utvikling og prestasjon.

Per Joar, ofte kalla "Perry", er ein erfaren og visjonær fotballtrenar, pedagog og leiarutviklar med over 20 års fartstid frå toppfotballen i Noreg og Sverige. Han har vore hovudtrenar for Rosenborg BK, Aalesunds FK, Ranheim og GIF Sundsvall, og leia det norske U21-landslaget til EM-sluttspel – ei historisk bragd som framleis står som eit høgdepunkt i norsk fotball. Perry har også vore assistenttrenar på det norske A-landslaget i fire år, saman med Lars Lagerbeck.

Med UEFA Pro-lisens og utdanning frå NTNU og Universitetet i Umeå, kombinerer Hansen solid fagleg forankring med praktisk erfaring frå både idrett og næringsliv. Han har arbeidd med organisasjonsutvikling i privat og offentleg sektor, og har blant anna vore leiarcoach for leiarar og leiargrupper i IF Forsikring i Norge og Sverige.

Per Joar er kjent for å byggje prestasjonskultur, utvikle mennesker og skape resultat, og har ei unik tilnærming til leiarskap. Han trur på relasjonar, eigarskap og involvering som nøkkelen til varig endring. Filosofien hans er enkel, men kraftfull: «Kvar dag kan du velje å bli ein dag eldre – eller ein dag betre.»

Hjarteleg velkomen til BEREKRAFTIG BYGG - fagdag på Skaparhuset!

Ulstein Næringsforum og Ulstein kommune ønsker å legge til rette for ein sosial og fagleg møteplass for byggnæringa på heile Søre der kunnskapsdeling, felles kompetanseløft, inspirasjon og motivasjon er målet.

Over to samlingar første og siste torsdagen i september set vi søkelys på bygg for framtida med berekraft og sirkularitet som sentrale stikkord.

Vi har invitert fleire dyktige og framoverlente aktørar frå fjern og nær som skal fortelje om prosjekta sine og arbeidet sitt med berekraft. Dette vil du ikkje gå glipp av!

Vi oppdaterer fortløpande på ulstein-nf.no etter kvart som komplett program tek form, men sørg for å halde av datoane og spreie ordet vidare allereie i dag

Gratis påmelding her: https://forms.office.com/e/138T4NQqEm

Fredag 20. september kl.8:30 får vi besøk av Åse Wetås, direktør i Språkrådet, og Monika Haanes Waagan, dagleg leiar i Nynorsk bedriftsforum, på Skaparhuset. Alle er velkomne! Tema for møtet er kommunikasjon, språk og kunstig intelligens. Vi kjem til å prate om;

• Språkrådet som samfunnsaktør og korleis vi i næringslivet kan bruke tenestene deira

• Auka turisme gir behov for ein meir kompleks kommunikasjonsstrategi – korleis kan vi tilpasse oss reiselivet og samstundes bevare språkleg og lokal identitet?

• Korleis påverkar kunstig intelligens dagleg drift og kva er konsekvensane?

Vi ser fram til informasjon og god diskusjon rundt desse spørsmåla. Velkomne 🙂

Hjarteleg velkomen til BEREKRAFTIG BYGG - fagdag på Skaparhuset!

Ulstein Næringsforum og Ulstein kommune ønsker å legge til rette for ein sosial og fagleg møteplass for byggnæringa på heile Søre der kunnskapsdeling, felles kompetanseløft, inspirasjon og motivasjon er målet.

Over to samlingar første og siste torsdagen i september set vi søkelys på bygg for framtida med berekraft og sirkularitet som sentrale stikkord.

Vi har invitert fleire dyktige og framoverlente aktørar frå fjern og nær som skal fortelje om prosjekta sine og arbeidet sitt med berekraft. Dette vil du ikkje gå glipp av!

Vi oppdaterer fortløpande på ulstein-nf.no etter kvart som komplett program tek form, men sørg for å halde av datoane og spreie ordet vidare allereie i dag

Gratis påmelding her: https://forms.office.com/e/138T4NQqEm

Tidenes første Back to Work i Ulsteinvik!

Ein avslappa og sosial møtestad på tvers av bransjar er etterlyst i området vårt – no inviterer Ulstein Næringsforum inn både medlemmar og ikkje-medlemmar til det vi håpar vert eit årleg kick off og ein mjuk overgang frå ferien til eit nytt arbeidsår!

Dørene opnar kl.16, og det vil verte servert lett fingermat, godt i glaset og deilig loungstemning. Ulstein Næringsforum kjem til å nytte høvet til å dele ein smakebit av haustens happenings, og kanskje byr vi på underhaldning av eit slag? Kven veit 😉

Her skal alt ligge til rette for å kose seg saman med kollegane dine og danne nye bekjentskap.

GRATIS PÅMELDING HER INNAN 22. AUG

Gå til arrangement på:
Facebook
LinkedIn

Arrangementet vert sponsa av Sparebank 1 SMN <3

Regionen treng fleire som tar steget ut i ny næringsverksemd.På Gryndertreffet får du gode råd frå dei som har gjort det og frå dei som legg til rette for at du skal klare det. Det blir litt servering, så derfor påmelding til robert.voldnes@aakp.no. Gratis deltaking.

Velkomen til kurs i promotering med sosiale medier på Skaparhuset i Ulsteinvik 25. februar!

Har du ein hobby, ein lidenskap eller ei lita bedrift du vil vise fram på sosiale medier? Kanskje ønskjer du berre å synleggjere det du driv med, kanskje ønskjer du å tene på det – eller ønskjer du mest av alt å møte ein triveleg gjeng over ein kaffi og lære noko nytt medan?

Anten du skriv dikt, syr, snikrar, tek bilete eller har noko anna du vil formidle vil vi hjelpe deg å verte meir synleg på sosiale medier. Ikkje berre det, vi vil at du skal få fram det som er unikt med deg og det du viser fram.

Kurset passar for nybyrjarar og dei som har middels peiling på sosiale medier, mobil og data.

Pris: Kr 1200,- per person for 6 timar. Kaffi og kake er inkludert i prisen.

Kurshaldarar: Systrene Ingvild Steinsvik Mork og SIlja Haddal Mork – begge med lang erfaring med grafisk design og digital marknadsføring. I tillegg er dei typiske "datadøtre" som fiksar problem med mobilen, dataen, TV-en eller internettet.

Meir info og påmelding her: www.datastyr.no